JBTALKS.CC

标题: 十二星座上司的不同之處 [打印本页]

作者: 野蛮の丫头 时间: 2010-10-20 08:07 PM
标题: 十二星座上司的不同之處
★白羊座：

白羊的阿头最难顶的地方就梗係唯我独尊啦！其实跟佢搵食话难唔难、话易唔易，讲到尾最紧要识做人，无论你几叻，佢都唔会觉得你叻得过佢，如果你功高盖主就实会畀佢ｏｕｔ，所以无论佢得唔得，你都千祈咪话佢唔得！佢善意都唔接受架！

★金牛座：

呢位阿头好悠闲，做事亦都好勤力，对下属亦都非常之咁好，不过你跟得佢耐会发觉呢位老细真係冇乜上进心，而且对事情的发展都係倾向採用息事宁人嘅方法，如果你本身冇乜野心就冇问题，如果有你会觉得金牛上司太懦弱啦！

★双子座：

对住呢位阿头基本上少ｄ心血都会死，佢成日諗头多多，但係每次都係开个头就交晒畀你班下属执手尾，一样未完成又想搅第二样！而且份人又超神经质，今日笑口噬噬同你有讲有笑，听日突然冇厘头苦溜溜，佢嘅心情同个天一样咁难测！

★巨蟹座：

基本上呢位阿头无事无幹发生，公司无乜大变动，佢都係一个好好的上司，佢会好照顾大家，又肯认真教你，不过正如头先交代话冇事就好，万一一个唔好彩公司有乜变动：裁员或者搵人背鑊之类，佢会为自保而牺牲你，咪天真以为佢会照你！

★狮子座：

虽然话狮子座本身的行为举止都已经有ｄ难顶，不过老实讲，如果话到做上司，佢其实几好架，佢会照住ｄ下属，仲要係不惜牺牲自己，而且好会畀机会大家，当然！佢不时仍然会做ｄ难顶事过你睇！隻眼开隻眼闭，讚佢多ｄ啦！

★处女座：

比起白羊座阿头佢仲难顶ｄ！佢同白羊座一样都係唔受得批评，唔话得之餘，但又鬼死咁鍾意话你喎！样样都睇唔过眼，净係识话你唔识话自己！讲真又真係好难顶，不过跟得佢你又可以响佢身上学到好多知识，算係先苦后甜啦！

★天秤座：

呢位阿头其实好好人，不过跟住佢搵食你会觉得佢处事太过软弱，讲真做朋友做同事的话，佢份人又优雅，又肯听人讲，大家打成一片有讲有笑边个唔鍾意，但係一讲到叫佢帮你ｆｉｇｈｔ人工，争取福利佢就比较难，仲成日畀其他阿头虾，唉．．．

★天蝎座：

跟着呢位阿头你真係要好好打醒十二分精神，佢铁面无私，下属对佢来讲係完成佢野心的一部分，你个人衰格都冇所谓，最紧要交到货，一旦佢发现你冇乜利用价值，唔好意思就请你接大信封，不过你帮到佢，佢一定会论功行赏，仲有千祈咪出卖佢！

★人马座：

人马阿头份人傻下傻下，同佢一齐工作其实都几开心，不过开心还开心，你要有心理準备就係几时都要ｓｔａｎｄｂｙ候命，事关呢位阿头好需要人照顾，但係到你想搵佢帮下手时，佢又会失晒踪，所以只有那些自命天生工作狂先顶得佢住！

★山羊座：

其实要跟山羊阿头平安相处係好简单，只要你明白係返紧工，抱住搵食唔係讲感情就冇问题。事关山羊阿头份人不苟言笑，日日都黑口黑面，柄埋响房做到隻狗仲要你陪埋佢做狗，只要你适量地扮勤力，尊重下佢，基本上就冇问题！

★水瓶座：

要同佢相处话难唔难话易唔易，易的地方係水瓶阿头係最易同身边的人打成一片，佢接受批评、採纳意见，不过你永远睇唔通佢到底諗紧ｄ乜，而且就算大家好似好ｆｒｉｅｎｄ咁，你都总係觉得佢份人冷冷漠漠，有份睇唔到嘅距离感，跟佢都要保持警觉！

★双鱼座：

跟着呢位双鱼阿头响「私」方面冇乜问题，因为佢份人一ｄ都唔难相处，不过咪开心住！讲到「公」囉喎，就弊傢伙！双鱼做事一向粗心大意，成日云遊，你跟得佢咪驶旨意做帮你守尾门，玩下手係你帮佢执手尾，仲要一大堆嗰种！

作者: 我的天使我的爱 时间: 2010-10-21 03:36 PM
★天蝎座：

跟着呢位阿头你真係要好好打醒十二分精神，佢铁面无私，下属对佢来讲係完成佢野心的一部分，你个人衰格都冇所谓，最紧要交到货，一旦佢发现你冇乜利用价值，唔好意思就请你接大信封，不过你帮到佢，佢一定会论功行赏，仲有千祈咪出卖佢！

欢迎光临 JBTALKS.CC (https://www.jbtalks.cc/)