（转贴）異地戀的故事- 從相識到相愛... （完）

boonteong

e-mail 02 (want to know more about u ^u^)

------------------------------------------------

阿藍, 現家既時間係10:26am..haha~我o係學校呢..因為呢段時間係空堂...

sorry..睇完你封email之後..我冇笑丫...但係就覺得好羨慕 !! 你既生活好自由...

唉..香港就唔同了...好多好多功課..好多好多測驗...

現在仲有三樣功課等我做呢...每日都keep working and working...

即使有假期甘有點?! 假期都要去圖書館搵project 既資料..到左暑假又要開始溫a-level o的野啦...>< 不過冇努力過又點會有成就呢..haha..

um...你o係england 過得開心嗎?? 你一定有唔少朋友啦..!但係我地班就有好多小圈子...為自己而生活...

oh! yes! 你番黎個陣等我講下我" 以前" 既 friend 啦...佢...佢好衰架..haha
rap 歌?! oh..i hate it....我比較鍾意慢and soft 既歌...因為甘先可以安慰到我既情緒..

係喎! 你間學校叫咩名丫...? 你幾時生日呢??

我而家間學校係夏令時間丫...1:25pm 就放學了...真係好呢...我唔鍾意學校既制度..唔鍾意某o的老師仲有同學....

oh..我要走了..talk later then..

Take care

From: 嘉怡

------------------------------------------------

boonteong

e-mail 03

------------------------------------------------

阿藍 丫......等我講o的野比你知啦....

um....其實我係一個補習老師黎既...今日番屋企既途中..撞到一個家長...佢同我講話補埋五月就唔補...佢話因為佢個女六月考試, 而我又係六月考試..又知我身體唔係甘好..怕我handle 唔到..所以就...

之後我番到屋企...媽咪同我講話方auntie ( that 家長) 上過黎....話我成日調佢堂..所以唔洗我補喎..

其實我唔係介意佢仲要唔要我幫佢個女補習丫..而係點解方auntie o係唔同既人面前講唔同既野呢...?究竟邊個先係真正既原因...well..我好憎人厄我..( you should know....)

Anyway...

你都好細心o波! o係一o的難既英文字隔離寫埋explanation..thank you!

睇黎同你chat 得多英文一定會進步呢! haha

為左報答你..我決定左啦...等你番黎o個陣一定會帶你去食好野!!horhor..

係呢..你鍾意食o的咩架?? 講過秘密比你知丫..其實我o的friends 叫我做大食怡架..haha..yes.. i like eating too..不過因為我個胃有小小毛病..所以醫生建議我一定要小食多餐...

oh! 原來你係8月8日出世..你係leo..( same as me! ) 獅子仔好HOT 架喎..!!

等我用星座去分析你既性格先!..我諗你同我差唔多...

um..你係好顧面子、亦需要人respect 你、你大情大性、唔會掩飾你既喜怒哀樂、敢於戰鬥、熱情大膽、你會有浪漫激情既一面、慷慨大方，溫暖、機靈、愛花錢....haha...

maybe i've to go ..see you next time

From: 嘉怡

------------------------------------------------

boonteong

e-mail 04

------------------------------------------------
    My dear son 阿藍,

    嘩....你甘快就可以reply 到我既..係咪因為上次我話等你好耐丫..我唔mind 喎..你話架嘛..it's worth!!, right? haha..希望我唔會影響你normal 既生活啦!!

    一旦墮入情網，不是歡欣就是痛苦。yes..it's true..mostly痛苦..well, maybe i tell you more when you come back..

    我唔係住tai wo..><嬲你丫...甘都唔記得.. haha..比多次機會你估下我住邊啦....

    oh! 而家7:45 pm..我要煮飯了..( haha..surprised?) um..我daddy 同媽咪番工..所以每次dinner 都要我煮架...!!

    talk to you when i finish the meal..

From: 嘉怡

boonteong

E-mail 05 (husband!)

------------------------------------------------

Dear 阿藍,

o岩o岩食完supper...很飽呢..

cant imagine I eat a lot?! haha..um..我一時食得好多..一時食得好少...我食野好睇心情同天氣架! 今日香港好悶熱..所以食得好少呢..

今日同媽咪傾計..講起我未來既老公..haha..好似好遙遠...

其實......我媽咪同daddy 既感情都唔好...成日都因金錢而發生衝突...由細到大都係甘...我媽咪仲成日覺得daddy 出面有女人...well, but i believe my daddy!

記得有一次..我同daddy 傾計...佢話而家既生活好枯燥..到我阿哥讀完大學之後...一定..係一定會同我媽咪離婚...

我聽完梗係唔好受啦...我真係真係唔想佢地甘... 但係我都會respect 佢地既決定既...而我阿哥就好支持佢地分開..因為佢不嬲都唔鍾意我daddy....

我身邊好多couples 都離婚...所以亦令我對婚姻失去信心...結婚前..個男人會對個女人好好..好體貼溫柔..但係結婚之後....

我覺得結婚係人生必經階段..唔結婚，人生就好似有所遺憾、唔完滿..

阿藍..你知唔知咩叫完滿之愛呢?? haha ..等我話比你聽啦...首先..

愛係包括三個完素：（１）ｐａｓｓｉｏｎ激情
　　　　　　　　　（２）ｉｎｔｉｍａｃｙ心靈上既交流
　　　　　　　　　（３）ｃｏｍｍｉｔｍｅｎｔ承諾

好多couples 都係因為冇左(1) & (2) 而離婚的...只剩下承諾所帶黎既束縛..

而完滿之愛就係couples 將 (1)、(2)&(3) 極大化了...

我媽咪話..搵老公一定要叻過自己...一定要捱得..要肯為我而犧
牲.......something like that......

我仲記得有人話而家點對你媽咪..就係十年後點對你既妻子..

我諗我阿哥一定唔係一個好老公了..因為佢對我媽咪既態度好差呢...

haha....sorry..我諗呢次既email 一定悶親你了...

anyway...阿藍..希望你記住...無論對你屋企人、朋友定係你既女朋友or wife...

坦誠既溝通係好重要的...除左係溝通既量要多之外..仲要留意佢既質!!
因為甘先能夠有效甘互相了解同埋維持彼此之間既關係!!^.^

From: 嘉怡

boonteong

E-mail 06

------------------------------------------------

    Hi.. 阿藍..我o岩o岩做完geography essay..好累呢..但係未做完功課丫..仲有4條既econ assignment 等緊我...而家係11:30 pm了..我諗1:00先訓到...

    係丫..我成日都唔記得話比你聽其實我早幾日已經申請左hotmail...不過我想你continue send 去我而家呢個email (yahoo ) 因為用耐左有感情...

    我當然鍾意你用中文啦..親切o的..不過你覺得邊樣方便就邊樣啦..just feel free...

    講起你既性格..真係有幾分似我呢..可能大家都係獅子座...haha..我好信星座架..although i am a christian too!

    你o的中文程度幾好丫..有幾個錯別字甘啦..haha..

    oh my god..突然醒起我唔記得帶econ o的assignment 番黎...how can i do it?!! 可能個天都唔比我做...><..

    "學識包容對方, 對方先會包容你. 不過, 男仔係應該比女仔大方, 還要任勞任怨."........o係我未going out with somebody之前, 我都抱住呢種既態度....

但係其實係唔得架...可能係我做唔到啦...感覺係雙向架....任勞任怨..就好似失去左自己本身應有既尊嚴..

例如我好唔鍾意有o的女仔成日叫佢地既男朋友幫佢地拎手袋..甘當o的男仔係咩o者..係奴隸麼??!

每個人都有自己既尊嚴，甘人先會被人尊重....而我覺得唔應該係任勞任怨..而係"不介意為對方付出更多"..

yes..互相信任係好重要....但係信任建基於o的咩呢..? that means...我地點可以取得對方既信任呢?...我認為信任建基於你對對方溝通既質與量。

量--我諗你都知係咩了...

質--其實包括你同對方溝通的廣度and深度 ( 即是溝通的話題是否廣闊...講那些話題是否深入呢) ....

你要多於表露自己..仲要做到表裡一致(口講同心裡所想的是一致) ..甘就係坦誠啦....仲有丫....有好多人成日分手..一個最重要既原因就係雙方對大家既期望不一致/不了解。

    我地首先透過溝通，去理解對方究竟對自己有o的咩要求和期望..好多時大家對大家既期望係唔一致的，因此，我地再溝通..從而達到共識..再將自己既期望同要求作出調節...這樣，分手既機會就會少好多了.....

    sorry..><! 今次一定會悶親你啦...haha..this is what i've learnt from liberal studies(通識教育)

    from: 嘉怡

------------------------------------------------

boonteong

E-mail 07 (Be happy^^)

------------------------------------------------

hi, 阿藍..

你唔好唔開心啦..

我都會唔開心架...我記得有個friend 同我講話如果想你自己唔開心..首先係要做番o的野令你身邊既人開心...you can try it..

而家等我講下我呢幾日發生既事啦...

前幾日o係班到見到一隻BB雀仔 入左黎...佢好可憐..因為佢唔見左佢屋企人..

又唔識fly.. o係班既附近都聽到有其他雀仔o係到叫...原來佢地搵緊隻小雀...

之後我就抱著隻小雀搵佢媽咪呢...! haha...原來動物同動物之間都會有"愛"的...

尋日你咪話我好忙既..係丫..尋日放左學就要幫人補習..then 約左人睇戲...好好睇呢....你鍾唔鍾意睇戲架? 鍾意睇o的咩戲呢..?

你平時唔洗番學o個陣會做o的咩架?? 聽人講話england o的生活好悶架..

我都有幾個friends 去左england 讀書..包括我第一個boyfriend..Tony ..不過我而家冇同佢聯絡lu..都唔知佢讀邊間....

Well.. maybe i need to go now. talk to you later

Yours,
嘉怡

boonteong

e-mail 08

------------------------------------------------
hi! 阿藍!

haha~我都未正式介紹我自己!

我係趙嘉怡!! 我住XX花園架!! 我有一個阿哥..佢大我11個月咋, 所以同佢既關係都好好!! 我有o的咩野我都好鍾意同佢講! 因為佢睇野都比較客觀..

um...講下我既性格啦..我好眼淺..好勝..因為我唔鍾意輸既感覺..成日感情用事....感性...幼稚..軟弱...細膽.............仲有好多好多..不過諗唔到啦..( 呢o的只係我主觀甘睇 )

我鍾意o的咩類型既男仔?! um.......一定要愛我..當然我都要愛佢啦...但係拍拖唔可以唔現實..互相愛對方只係一個好基本既條件...我仲希望我同佢既學歷程度唔可以相差甘遠....

佢一定要保護到我....因為我好軟弱...一定要乾淨....要高過我..haha ...不過高過我都唔難.....思想成熟....玩得...有情趣....浪漫...絲文..........etc...

我而家變成點既樣...?! um......唔話你聽....haha..有機會send o的相比你啦..

From: 嘉怡

boonteong

e-mail 09 (My dream)

------------------------------------------------

Hi, 阿藍. 今日我同媽咪好晏先食飯呢...um..大概係9:30pm....因為媽咪仲未收工...

唉...我同我媽咪一齊食...我阿哥自己食..我daddy 又係自己食...成家4個人..竟然要分三餐食呢.....

我唔鍾意甘...我好著重家庭既凝聚力...所以我希望大個o個陣我自己既家係好團結既!!

即使我老公o係出面做野幾甘唔開心..但係當佢諗起屋企..就會覺得: 唔怕!! 好彩有個靚靚老婆同我 dum 骨. 屋企真係溫暖丫^^。

即使o的仔女o係學校番學幾甘唔開心...但係當佢地諗 : 好野!! 番到屋企媽咪一定煮o的好野比我地食...daddy 又會陪我地玩...屋企真係好丫^^。

hahaa... 我都好鍾意小朋友..希望會有一仔一女...

其實我唔介意將來家庭既經濟環境唔好...只要一家人肯為左呢個家而努力...每日都開心甘就得架啦...

到我同老公退休之後，我希望將部分既儲蓄拎去投資，我最希望就係開宮崎進既主題餐廳，例如佐敦分店就係天空之城餐廳，黃埔分店就係千與千尋餐廳.....每一間既裝修設計都唔同...播著唔同既主題曲....menu 上既菜名都要特別...例如係" 小千意粉" hahaaa.... 好似諗得太遠了...

都係講番f.7 之後啦!! 我好鍾意學野...( not academic )..我希望o係f.6 既暑假一路做part time..一路學野...

而家最想學既呢 就係 : 配音 ( 有好多人話我把聲好似o的卡通人物架 ) 、茶道....我好鍾意飲茶 ( not chinese restaurant )...學畫油畫同埋掃描.......
好多好多dreams...... 不過我會努力的^^!!

From:嘉怡

boonteong

E-mail 10 (阿藍阿藍)
------------------------------------------------

Hi..阿藍..好耐冇見了...呢幾日都平平...冇咩野發生...o的功課都準時交到...你點丫?? 係喎..你聽日開始放假啦喎.. 你放假會去邊架??

係呢...你記唔記得以前小學成日去博物館架? 尋日我去左太空館pre-trip...( 暑假要帶f.1 的同學參觀 ) ...好多好得意既野呢...你鍾唔鍾意去丫? 如果鍾意...我就帶你去啦搵日...!

唉...本來我地夏令時間係1:25pm 就放學...但係呢幾日放左學都有野做...好似今日甘...hall o個到就搞左個forum..題目就係: 兩個夠晒數?

其實就係我地香港人口老化..為左解決呢個問題...曾任權就鼓勵couples 生三個既政策....引起好大回響.... haha...

講o的野比你知丫... 我o係forum 到都有講野架...最後仲儸左個...最有建地獎呢...hee~ 聽日放學就要同australia international school o的學生交流 ...然後就要幫人補習...

um...我知你呢幾排都好忙架啦....我唔阻你了^^

小心身子丫!

From: 嘉怡

boonteong

E-mail 11 (就到比賽了, 好緊張..)

------------------------------------------------

Hi~ 阿藍...你今日要番學了...唉~睇黎有排先可以o係MSN 到見到你了~

我o岩o岩睇過了..原來singing contest 分兩日架..

第一日就係6月30日, 呢個係heat 黎既

第二日就係7月6日..呢個係final..

而樂器演奏因為太小人參加...(計埋我好似得5~6個).. 所以直接入final~

我突然之間諗起o的野...o係我小學同你坐既經歷...

我記得我o個陣唔識讀一個英文字..就係discuss...

你之後就成日笑我~ 話我讀錯呢個字呢~! ( hee~ 我諗你一定唔記得了^^)
呀~我有冇同你講我媽咪係補習老師呢~

佢有個男學生...六年級架~ 佢好似你~ ( 又係細細粒粒, 吱吱喳喳, 白白淨淨....)

除左佢嘈之外，我都幾鍾意佢既~ 我媽咪就好鍾意佢..因為佢好識o係人地既角度諗野~好識體諒人...激親我媽咪又會哄番佢喎~haha~ 每次我見到佢~都會諗起你的~~~!

今日英文oral test 丫... miss 話我除左o的grammar 之外, 其他都幾好~
唉~ 你番黎一定要同我用英文對話丫~ 等我可以practice 下~haha~

我真係好羨慕你~ 可以成日周圍去~你考完試又可以去法國.....上年暑假又去日本~ 我好鍾意去旅行架~ 但係睇黎今個暑假唔去得lu~

我最希望出年暑假去korea 或者台灣~nono..... 最想去都係歐洲...不過仲未afford 到呢~haha~

你呢~? 你最想去邊到~?!

講起旅行...講o的野比你知丫~ 你知唔知上年聖誕布吉有海嘯?!

其實o個一年 ( 我f.5) 暑假同friends 去左布吉架~ 之後我屋企人又話想去... 佢地諗一係暑假去..一係就聖誕去... 如果係聖誕去, 我都會去多次的~ 好彩佢地都係暑假去左咋...如果唔係我諗你以後都搵唔到我
了~hahaa~

唔同你講lu~ 希望你快o的好番啦!

From: 嘉怡

------------------------------------------------